Vi tilrår at du alltid nyttar siste versjon av nettlesaren din.
logo Helse Fonna

Fertilitetseininga

Vi tilbyr fertilitetsbehandling til par med ønske om barn. Vi har eit bredt tilbod som omfattar utgreiing og behandling av ufrivillig barnløyse, assistert befruktning, også kalla In vitro fertilisering (IVF) eller prøverøyrbehandling.

Vi starta opp på Haugesund sjukehus i 1985 som ein av dei første fertilitetsklinikkane i landet. Vi har til no laga over 6000 barn hos oss, og utfører årleg rundt 600 behandlingar.   

Vi er også kjent som Haugesund fertilitetssenter.  

Her er ei oversikt over behandlingar per november 2024:

Inseminering

Eit tilbod for heterofile par.

IVF (assistert befruktning) og ICSI (mikroinjeksjon)

Eit tilbod for heterofile par.

Oocytt(egg)frys

Denne behandlinga tilbyr vi ikkje.

Sædfrys

Eit tilbod for menn med medisinsk årsak.

Donerte oocytter (egg)

Denne behandlinga tilbyr vi ikkje.

Donert sæd

Denne behandlinga tilbyr vi ikkje.

Preimplantasjonsdiagnostikk/PGT (genetisk undersøkelse av celler frå befrukta egg)

Denne behandlinga tilbyr vi ikkje.

Tilvisingar frå lege skal innehalde følgande opplysingar: 

  • Personalia til kvinna og partner 
  • Høgde og vekta til kvinna  
  • Telefonnummer til kvinne og partner 
  • Gift eller i eit ekteskapsliknande forhold  
  • Årsak for tilvising 
  • Reproduksjonsanamnese til paret  
  • Generell anamnese (sjukehistorie) 
  • Utgreiing frå gynekolog, helst ikkje eldre enn 6-12 månader  
  • Må beherske norsk eller engelsk 
  • Anbefaler at infeksjonsprøvar er tatt av begge partar 

Fastlegar tilvisar elektronisk til sjukehuset via eigne system. 

I dag tilbyr Fertilitetseininga behandling til barnlause heterofile par og par som har eitt felles barn. 

Paret må vere tilvist frå spesialist i gynekologi/obstetrikk eller fastlege. 

Vi har dessverre ikkje tilbod til einslege eller lesbiske par som ønsker fertilitetsbehandling. 

Kriterium for behandling (med førehald om individuelle endringar) 

  • Paret må vere gift eller stabilt sambuande i ekteskapsliknande forhold, altså vere sambuande i minst to år. 
  • Paret må vere psykososialt eigna til å ha barn og legge frem omsorgsattest (politiattest). 
  • Kvinna bør ikkje vere eldre enn 39 år ved søknadstidspunkt, og mannen bør ikkje vere eldre enn 55 år. 
  • Kvinner med kroniske sjukdommar som kan bli verre ved eit svangerskap, eller der svangerskap kan føre med seg alvorlege komplikasjonar, vil bli særskild vurdert. 
  • Kvinna bør ikkje ha BMI over 32. 
  • Par der ein eller begge har fått påvist at dei er smitteførande med HIV, syfilis, Hepatitt B eller Hepatitt C, kan ikkje få behandling hos oss. Det finst eit tilbod ved Oslo universitetssjukehus vi kan tilvise til, dersom vi meiner krava for behandling med assistert befruktning elles er oppfylt. 

Begge partar må underteikne et samtykke på at dei ønskjer behandling.

Vi har dessverre ikkje behandlingstilbod til einslege kvinner, som for eksempel nedfrysing av egg eller sæddonasjon.  

Offentlege klinikkar som kan tilby behandling av kvinner med donorsæd er Oslo universitetssykehus, St.Olavs hospital og Sykehuset Telemark. 

Nedfrysing av egg 

Fertilitetseininga har for tida ikkje tilbod for nedfrysing av egg. 

Nedfrysing av sæd 

Vi tilbyr nedfrysing og langtidslagring av sæd til pasientar som har ein sjukdom eller skal gjennomgå ein behandling som kan skade fruktbarheita.  

Samtykke for langstidsoppbevaring av sæd

Vi kan tilby tre forsøk med tilbakesetting av embryo (befrukta egg) med dekning frå det offentlege. Folketrygda dekker medisinutgifter over 20 176 kroner for desse tre forsøka.

Vi tek førehald om prisauke.

Eigedeler

Første konsultasjon, per person på samtaledagen: 403/478 kroner.

IVF / ICSI

Egguthenting og samtidig levering av spermaprøve, per person: 478 kroner.

Prøverøyrsbehandling med tilbakeføring av befrukta egg, inkludert eventuell frysing av befrukta egg: 1500 kroner (prisen gjeld sjølv om du har frikort).

Refusjon av medisinutgifter

Når eigedelen på 20 176 kroner er oppnådd, kan de sende søknad om refusjon på medisinutgifter. Kravet må være sendt innan seks månader.

Ta vare på alle kvitteringar, og hugs å ta med kontonummer i søknad.

Dersom utgifter til første forsøk ikkje er over 20 176 kroner, treng du ikkje sende inn krav før du eventuelt kjem til ny behandling.

Helfo behandlar kravet om refusjon av legemiddel. Kravet skal sendast til ditt regionale HELFO.

Du bestemmer sjølv tidsintervalla mellom behandlingane.

Rogaland og Vestland

Helseøkonomiforvaltningen (HELFO) Region Vest Postboks 14, 4097 Sola

Vestfold, Telemark, Buskerud og Agder

Helseøkonomiforvaltningen (HELFO) Region Sør Postboks 2415, 3104 Tønsberg

Refusjon av reiseutgifter

Krav om dekning av reiseutgifter sendast på eiget skjema til Pasientreiser, sjå www.pasientreiser.no.

Søke om omsorgsattest

Før vi startar behandlinga må vi gjere ei psykososial vurdering som skal sikre at barnet har gode moglegheiter i sin oppvekst, og at de som framtidige foreldre har gode omsorgsevner. 

Alle pasientar som skal ha behandling må først levere ein «Barneomsorgsattest» (politiattest). Den kan de bestille på politiets si heimeside. Det er noko ventetid på svar. 

Korleis søke omsorgsattest (politiattest)

  1. Gå til politiet.no. Vel «Politiattest» 
  2. Vel «Politiattest – søk digitalt» 
  3. Vel «Søk politiattest eller sjekk status» 
  4. Logg inn med bank ID eller foretrukket metode 
  5. Vel «Søk om politiattest» 
  6. I fanen «Kategori», velg «Adopsjon og assistert befruktning» 
  7. I fana «Formål», vel «Assistert befruktning – søknad til norske myndigheter» 
  8. Trykk «Send» 
  9. Du vil motta politiattesten digitalt 

Send inn attestane på papir til oss så snart de har fått desse. Husk at begge må bestille attest – både kvinna som skal behandlast og partner. 

Dette er eit krav for å bli godkjent til behandling. Vi må ha motteke attestane ved første konsultasjon. Merk, attest skal ikkje vere eldre enn eit halvt år. 

Er det behov for å innhente relevant informasjon frå andre instansar, men de som pasientar gi skriftleg samtykke for teiebelagt informasjon. 

Fylle ut eigenerklæring 

I tillegg å innhente omsorgsattest, treng vi at de fyller ut skjema med informasjon om egen helse, arbeidsgivar, kontaktinformasjon med meir. 

Dette blir sendt til de som skal utredes hos oss.

Samtykke

Les dette før de kjem til time hos oss. Vi vil sjå meir på denne saman når de er her.

Vi visar også til:

Vi ønsker å få hjelp fra Fertilitetssenteret til å oppnå graviditet ved assistert befruktning. Vi erklærer at vi er gift eller samboere i ekteskapslignende forhold.   

  1. Vi samtykker til å ta medisin og evt. bedøvingsmiddel som er nødvendig for behandlinga. 
  2. Vi samtykker til at det blir registrert foto, personlege opplysningar og helseopplysningar om oss, behandlingsforløpet, prosessering og oppbevaring av celler, i det interne fagsystemet til avdelinga. 
  3. Vi godtar at inngrep og medisinar relatert til assistert befruktning kan medføre biverknadar, og i nokre tilfelle komplikasjonar som kan føre til sjukefråvær og sjukehusinnlegging (for eksempel blødingar, infeksjon og overstimuleringssyndrom). 
  4. Vi er informert om at det ikkje er sikkert at svangerskap oppstår som følgje av behandlinga, og at adopsjon er eit mogleg alternativ. Vi er innforstått med at behandlinga også kan resultere i spontanabort, svangerskap utanfor livmora og andre svangerskapskomplikasjonar. 
  5. Fertilitetseininga er ansvarleg for å oppbevare og prosessere våre celler på ei forsvarleg måte, men er ikkje ansvarleg for tap som følgje av for eksempel teknisk svikt og uhell under oppbevaring og prosessering. 
  6. Vi bekreftar at vi har hatt anledning til å vurdere innhaldet i dette dokumentet i forvegen, og til å be om ytterlegare opplysningar. 
  7. Vi er informert om at behandlinga inneber: 
    1. Forbehandling av kvinna som skal til egguthenting kor ho blir tilført hormoner og andre medisin. 
    2. Uthenting av eitt eller fleire egg frå kvinna ved hjelp av ultralydrettleia inngrep.   
    3. Befruktning av eggene med sædceller og eventuell kirurgisk uthenting av desse. For behandling som inneber bruk av donorsæd, sjå eiga samtykke. 
    4. Oppbevaring og prosessering av celler inntil desse blir satt inn i livmora til kvinna eller fryst ned eller destruert. 
    5. Utvelging av cellene som etter vurdering av avdelinga gir størst moglegheit for å oppnå graviditet.   
    6. Innsetting av ferske eller tinte befrukta egg i livmor.   
  8. Vi er informert om at behandlinga kan bli broten både før og etter egguttak på grunn av medisinske eller tekniske problem. 
  9. Vi er informert om at frosne embryo kan oppbevarast på klinikken inntil 10 år, maksimalt til kvinna fyll 46 år. Dersom vi i den tillate oppbevaringstida for frosne embryo blir skilt, separert eller ein av oss fall frå, skal dei frosne embryoa ikkje brukast, men tinast og gå til grunne (unntak sjå Bioteknologilova §2-17). 

Vi tillat at Medisinsk Fødselsregister vil få tilsendt melding om svangerskap etter foretatt behandling. Opplysningane blir ikkje offentleggjort, men ein vil få registrert mengde fødsler etter assistert befruktning.  

Ja/Nei  

Vi tillat at overtalige ubefrukta eller befrukta egg som ikkje kan brukast i behandling kan brukast til opplæring og kvalitetssikring. Slik bruk av biologisk materiale er anonymisert.    

Ja/Nei  

Vi har fått informasjon og samtykker til behandling med assistert befruktning. Vi har forstått dei prosedyrane som er nødvendige for behandling.  

Ja/Nei 

 

 

Time til samtale 

Før behandlinga startar får de førstegongskonsultasjon med lege hos oss. Denne samtalen tar ca. 30 minuttar. Her vil legen gå nøye gjennom kvifor de er her, kva som er utgreia tidlegare, sjå på blodprøvar, og vurdera om det finnast ei årsak til at de ikkje lykkast å få barn på naturleg måte.

Vi gjer ei grundig vurdering for å avgjere om det er behov for vidare utgreiing. Dette kan vere blodprøvar, hysteroskopi, sædprøve av mannen med meir. 

Planlegge behandling 

Førstegongskonsultasjonen inneheld også ein samtale med sjukepleiar på ca. 30 minuttar. Vi gir informasjon om medikament, prosessen vidare og saman med paret blir vi einige om tidspunkt for behandling. 

Dersom de blir godkjent for behandling får kvinna ein eigen helsekontakt i Helsenorge hvor de kan kommunisere med oss digitalt. 

Kontakt

Sekretær

  • Måndag 08:00 - 15:00
  • Tysdag 08:00 - 15:00
  • Onsdag 08:00 - 15:00
  • Torsdag 08:00 - 15:00
  • Fredag 08:00 - 15:00
  • Laurdag STENGT
  • Søndag STENGT
På telefon kan du få svar på spørsmål om ventetider og andre generelle spørsmål.

Dialogmelding til sjukepleiar

Helsenorge.no
Dette gjeld berre for pasientar som er under behandling. Logg deg inn på helsenorge.no, og gå til «helsekontaktene dine/helsekontakter» for å ta kontakt med oss. Vi svarar på meldingar mellom kl. 08.00-15.30 måndag til fredag. Vi svarar deg så snart vi kan, og seinast innan 3 vyrkedagar. Ved akutte hendingar innanfor vanleg opningstid, ta kontakt på telefon 52 73 25 00 og be om å få snakke med sjukepleiar.

Slik finn du fram

Oppmøtestad

Vi held til i 3. etasje ved Haugesund sjukehus, i austblokka.

Gå inn hovudinngangen og ta heis ved resepsjonen opp til 3 etasje. Ta til høgre ut heisen og følg gangen nedover.

Det er ikkje besøkstid hos oss.

En høy vinkel av en bygning

Haugesund sjukehus

Karmsundgata 120, 5528 Haugesund

Finn fram

Det er fleire busstopp like ved og i nærleiken av Haugesund sjukehus.

www.kystbussen.no - Ruteinformasjon for Kystbussen (Bergen-Stord-Haugesund-Stavanger)

www.kolumbus.no - Ruteinformasjon om lokalbussar i Rogaland

Sjølvbetjent innsjekk og betaling

1-2 timar før timen din får du SMS med informasjon om registrering, ventesone og betaling på sjukehuset.

Når du kjem kan du registrere deg via lenka du ha fått i tekstmeldinga, eller på automaten i resepsjonen ved hovudinngangen.

Etter timen kan du velje å betale via automat, Vipps, efaktura eller i resepsjonen.

Innkallinga til timen finn du alltid på helsenorge.no

Les meir om sjølvbetjent innsjekk og betaling
En svart rektangulær gjenstand med en hvit overflate og et vindu

Praktisk informasjon

Apoteket ligg i første etasje, like bak resepsjonen.

Opningstider:

Måndag-fredag kl. 08.00-16.30.

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Parkeringshuset har tre ladeuttak.

Reserverte parkeringsplassar

Reserverte plassar for HC-parkering er utanfor hovudinngangen. Hugs å legge parkeringsbeviset godt synleg i frontruta.

Det er reserverte plassar for blodgivarar og dialysepasientar på toppen av parkeringshus. Du vil få utlevert parkeringsbevis frå avdelingen dersom du har rett til å bruke dessa plassane.

Parkeringsavgift

Det er Haugesund Parkering Drift as som har oppfølging av parkeringshuset og parkeringane foran hovudinngangen. Eventuelle klager på p-avgift meldast til dei. Dette finn du også informasjon om på  p-automatane. 

Pris for å parkere på sjukehus i Helse Fonna er 25 kroner i timen. Makspris for eit døgn er 155 kroner.​

 

Slik gjer du:

1. Vel nettverket gjest.ihelse.net på din PC, mobil eller nettbrett
2. Opne nettlesaren og godta vilkår for bruk 

Bruk av trådlaust nett er gratis.
 
Innlogging er krav til sikkerheit i sjukehusnettverket og er same type løysing som er på flyplassar og​ hotell.

God surfing.