Avdeling for Eldremedisin
Alderspsykiatri
Vi utgreier, diagnostiserer og behandlar personar som får psykiatrisk sjukdom etter fylte 65 år. Ved mistanke om demens kan personen vere yngre. Alderspsykiatriske lidingar kan vere depresjon, demens, angstlidingar og psykosar.
Behandlingstilbod
Behandlingstilbodet vil blant anna vere å innhente opplysningar om symptom og tilstand, samtaler med behandlar (lege/psykolog), somatisk undersøking og vurdering av medikamentell behandling.
Hovudmålet er stabilisering/betring av psykisk tilstand og auka meistring av eigen livssituasjon.
Alderspsykiatrisk poliklinikk
Alderspsykiatrisk poliklinikk tilbyr utgreiing og behandling av eldre med psykiske lidingar, og samarbeider tett med Alderspsykiatrisk døgnpost.
Verksemda skjer både utanfor sjukehuset (ambulant teneste) og i lokala til poliklinikken i Ragnhildsgate 15 (PET-senteret).
Poliklinikken gir i tillegg undervisning og rettleiing til kommunehelsetenesta og andre aktørar.
Poliklinikken er bemanna med psykiater, psykologar og psykiatriske sjukepleiarar.
Innlegging på sengepost
Varigheit på opphald (innlegging) kan variera frå nokre dagar/veker til nokre månader.
Fagmiljøet vektlegg tverrfagleg samarbeid og består av psykologar, legar, ergoterapeutar, fysioterapeut, aktivitør, sjukepleiarar/psykiatriske sjukepleiarar og hjelpepleiarar.
Vidare tilvising etter opphald på sengepost
Pasientar som har vore innlagd blir tilvist til andre einingar i spesialist- og kommunehelsetenesta for behandling og oppfølging ved behov.
Sengeposten har eit tett samarbeid med pårørande og oppfølgjande instansar.