Dialyse

Nyra har fleire oppgåver i kroppen som å skilja ut avfallsstoff og overskotsvæske, regulera blodtrykket og så danna eit hormon som stimulerer beinmergen til å lage raude blodlekamar. Når nyra sviktar er hemodialyse ei behandlingsform som blir brukt for å erstatta tapt nyrefunksjon.

Hemodialyse

Hemodialyse er ei behandling som reinsar blodet og der overskotsvæske kan fjernast via eit dialysefilter og ei dialysemaskin. Kroppen produserer kontinuerleg avfallsstoff, og behandlinga med hemodialyse må gjerast regelmessig. Dei fleste treng hemodialyse 4–5 timar per behandling, 3 gonger i veka.

Nesten alle pasientar i hemodialyse har redusert urinproduksjon som følgje av redusert nyrefunksjon. Det gjer at væskeinntaket må avgrensast for å unngå at væske blir hopa opp i kroppen. Det kan medføra tungpust og hevelsar. Tommelfingerregel er at du kan drikka 800 ml pluss det som er produsert av urin dagen før.

Eksempel: Har du produsert 1000 ml urin dagen før, kan du drikka 1800 ml væska. Viss du ikkje har produsert urin, kan du drikke 800 ml. Ver obs på at det er mykje væske i mat som sausar, graut og suppe.

Metode

For å gjennomføra dialyse treng du tilgang til blodårene. Føretrekt metode er ein AV-fistel. AV-fistel er ei kopling mellom ein vene og ei pulsåre i armen. Fistelen blir operert inn av ein karkirurg. Fistelen er moden for bruk etter 6–12 veker.

Dialysekateter er ein alternativ tilgang til blodårene. Kateteret er ein silikonslange med tilkoplingar som blir lagde inn i ei stor blodåre på brystet. Når kateteret ikkje er i bruk, blir det pakka inn med bandasje og plastar. Viss dialysebehovet er akutt, blir eit kateter brukt som blir lagt i ei blodåre på halsen eller i lysken. Dette kan brukast ei avgrensa tid. Når man har dialysekateter, kan ein ikkje bade i basseng eller i sjøen.

• Før og etter kvar behandling må du vega deg. Vekta blir brukt til å anslå kor mykje overskotsvæske du har i kroppen.
• Sjukepleiarar passar på deg og har ansvaret for deg under kvar behandling. Sei frå til sjukepleiarane viss du kjenner deg uvel eller har spørsmål.
• Du vil få eit brødmåltid under behandlinga.
• Det er viktig å ha god personleg hygiene. Unngå bruk av sterke parfymar.
• Når du startar i dialyse blir du testa for hepatitt, HIV og tuberkulose. Du vil bli vaksinert mot hepatitt B, viss det ikkje allereie er gjort.
• Ha mobiltelefon på lydlaus. Ikkje ta lange private telefonsamtalar under behandlinga. Dette er av omsyn til andre pasientar.

Dialyse Haugesund

Vi har 17 dialyseplassar. Du får faste oppmøtedagar, men ikkje fast sitjeplass. Medisinske og driftsmessige forhold kan føre til byte av behandlingstidspunkt.

Dialyse Stord

Vi har seks behandlingsplassar og rundt 1500 behandlingar årleg.

Dialyse Odda

På dialyseavdelingen i Odda kjem det nyrelege kvar 14. dag.

Dialyse Haugesund

Vi har faste tidspunkt for gjennomføring av dialysebehandlingar:

• Måndag-fredag kl. 07.30-21.00
• Laurdag kl. 07:30-15:00
• Søndag: kl. 13.30-21.00

Før du kjem til oss for dialysebehandling får du tildelt eit eige tidspunkt for behandling.

Det er daglege legevisittar på dialysen. Her blir det berre diskuterte saker knytte til dialyse og dialysebehandling. Blodprøver blir tatt regelmessig for å evaluera behandlinga.

Ved akutt sjukdom eller ved spørsmål om andre tilstandar som ikkje er knytt til nyresjukdommen din og behandling, kontaktar du legevakt eller fastlege.

Mange pasientar og pårørande ønskjer å ta bilde eller video som eit minne frå tida på sjukehuset. Dette er sjølvsagt heilt greit, så lenge det er pasienten, eller pårørande og vener det blir teke bilde av.

Det er ikkje lov å ta bilde av medpasientar eller tilsette ved sjukehusa. Vi har hatt fleire saker der bilde av medpasientar og tilsette har blitt publiserte på sosiale medium utan at dei har gjeve løyve om det.

Reiser du til eller frå offentleg godkjend behandling, kan du ha rett på å få dekt nødvendige utgifter til reise. Pasientreiser koordinerer transport av pasientar til og frå behandling ved sjukehuset.

Viss du har spørsmål, ta kontakt med oss på telefon 05515. Det finst også nyttig informasjon på Pasientreiser - Helsenorge.

Kantine på Haugesund sjukehus

​Kantina i 6. etasje er open for tilsette, pasientar og besøkande. Opningstider er måndag til fredag kl. 09.30-15.30. Kantina er stengt helger og heilagdagar.

Pasientkantine i 4. og 5.etasje er berre open for inneliggande pasientar (ikkje dagpasientar).

Kantine på Odda sjukehus

Kantina ligg i underetasjen (U1) og er open mandag til fredag k.10.00 – 12.30.  

Kantine på Stord sjukehus

​Publikumskantine finn du i underetasjen. Den er open måndag-fredag kl. 11.00-14.00. Kantina er stengt i helger og på heilagdagar.

Planlegg du å reise til utlandet? Sjå Dialyse i utlandet - Helsenorge

Viss du ynskjer gjestedialyse hos oss, ta kontakt med avdelinga.

Sjå Landsforeningen for Nyrepasienter og Transplanterte (LNT)

Vi anbefaler bruk av offentleg transport til og frå behandling, viss mogleg. Dei som treng taxi av helsemessige grunnar, får dekka dette.

Når det gjeld parkering på Stord Sjukehus så blir bilnummeret til pasienten registrert i systemet og dei slepp å betale. Dette gjeld ikkje besøkjande, dei må betale for parkering.

Prisen for døgnparkering er 175 kr/døgn.

Les meir om parkering

Parkeringshuset nord for sjukehuset er reservert pasientar og besøkande. Alle må betale for parkering. Dette gjer du på p-automatane enten med kort eller kontanter. I tillegg kan du benytte EasyPark appen.

Les meir om parkering