Helse Fonna HF er ein kunnskapsbedrift, og all vår verksemd bygger på kompetanse innan ei rekke fagområde.
Med det meiner vi at vi i tillegg til å nytte vår kunnskap i pasientbehandlinga, har vi og mye kunnskap å formidle til andre.
I Lov om spesialisthelsetenesta § 3-8, er sjukehusa pålagt følgjande oppgåver:
-
Pasientbehandling
-
Utdanning av helsepersonell
-
Forskning
-
Undervisning av pasientar og pårørande
Den same lova pålegg i § 3-10 følgjande: «Virksomheter som yter helsetjenester som omfattes av denne loven, skal sørge for at ansatt helsepersonell gis slik opplæring, etterutdanning og videreutdanning som er påkrevet for at den enkelte skal kunne utføre sitt arbeid forsvarlig.»
I tråd med dette driv Helse Fonna undervisning og praksisopplæring av studentar, elevar og lærlingar. Studentar innan medisin, psykologi, sjukepleie, radiologi, fysioterapi, biokjemi og andre helsefag har praksis i Helse Fonna.
For å ivareta dette på ein god måte, samhandlar Helse Fonna med universitet, høgskular og øvrige utdanningsinstitusjonar når det gjeld praksis for studentar. Vi har regelmessige samarbeidsmøter og samarbeidsavtalar. I tillegg blir det halde sporadiske møter gjennom heile studiet. Evalueringar blir delt med kvarandre og eventuelle tiltak blir sett i gang.
Særleg tett er samarbeidet med Høgskulen Stord/Haugesund når det gjeld grunnutdanning i sjukepleie, og vidareutdanning for sjukepleiarar til akutt og kritisk sjuke.
Når det gjeld andre vidareutdanningar for sjukepleiarar samarbeider vi med mellom anna Høgskolen i Stavanger, Betanien Diakonale Høgskole, Høgskolen i Bergen og Menighetssøsterhjemmets Høgskole i Oslo om til dømes nyre-, kreft og gastrosjukepleie.
Ei rekke interne opplæringstiltak blir òg årleg gjennomførte i føretaket.