Jobbsøk 

Å jobbe i ei kompetansebedrift som Helse Fonna er spennande og krevande. Her vil du møte menneske i vanskelege livssituasjonar som treng ulik hjelp.

Helse Fonna er avhengig av dyktige medarbeidarar frå mange fagfelt for å kunne fremme helse og livskvalitet. Vi har i dag over 3200 tilsette, men er alltid på jakt etter deg som har den rette kompetansen og ønske om å jobbe i helsesektoren.

Blant våre tilsette finn du sjølvsagt sjukepleiarar, legar, radiografar og anna helsepersonell, men òg økonomar, juristar, reinhaldarar, prestar og folk med teknisk utdanning. I eit helseføretak har vi behov for mange ulike typar kompetanse.

I Helse Fonna kan du jobbe i store delar av Nord-Rogaland, Sunnhordland og Hardanger. Instiusjonane våre er lokaliserte i Haugesund, Odda og Kvinnherad, og på øyene Karmøy og Stord. Du kan lese meir om Helse Fonna og korleis vi er organiserte under Om oss - Om helseføretaket.

Vi ønsker deg velkomen til å søkje stilling hos oss.

Å vere ambulansearbeidar kan vere spennande og du gjer ein jobb som betyr så uendelig mykje for dei som treng hjelpa di. Men det er også ein krevande jobb og stiller fysiske krav til deg.  

Sjå lista over fysiske krav du må bestå for ambulansetjenesten i Helse Fonna